إلى صفحة الكاتب

السيناريو

مضحك في بذلة بيضاء

بقلم الكاتب: محمد داود  

مضحك في بذلة بيضاء

فيلم سينمائي قصير قصة وسيناريو وحوار

كلمة حول الفيلم

تجري أحداث هدا الفيلم القصير  مضحك في بذلة بيضاء, على مراحل متعددة ولقطات متنوعة , اعتمدنا فيها على تنويع الوقائع لأحداث مجال تشويق تمتد عبر حوار يعتمد لغة  جزائرية محلية بسيطة, ترسم لوحات مضحكة , تبعث جوا سينمائيا خفيفا مخففا, و مروحا عن النفوس و مروجا لحركات كوميدية تذكرنا بالطريقة السينمائية للمرحوم رويشد الممثل ا! لكوميدي الكبير..و الفنان السينمائي العملاق الذي يؤدي ظهور شخصيته في كل مرة و على مراحل عديدة و بأشكال كوميدية تذكرنا بإبداعاته المتميزة و الخالدة في عالم السينما و التي لا يمكن نسيانها ولا حتى التغاضي عنها بل يجب اتخاذها كنماذج يقتدي بها في نسج و بناء أسس الكوميديا السينمائية في الجزائر و جعلها لبنة أولى في صناعة و تصميم نصوص هادفة تروح عن النفوس وتريح أفئدة المحبين للسينما الجزائرية الفتية.

المنظر العام و الجينيريك :

لقطات من أزقة الجزائر القديمة , محلات , حدائق,إلى أن نصل إلى شارع خال من المارة.

الوقت\ نهار.

اللقطة الأولى. محطة أوتوبيس, يقف فيها شخص يشبه الفنان المرحوم رويشد و هو يرتدي بذلة بيضاء.

وتحت نغم موسيقي شعبي عنقاوي..

اللقطة الثانية. و في الجهة المقابلة من الشارع يقف رجلان يرتدي كل واحد منهما بذلة سوداء..

الشخص الأول يدعى القبي..

القبي. راك اتشوف واش راني انشوف؟

الشخص الثاني يدعى العقبي..

العقبي.قول لي اقبل واش من جهة راك اتشوف ليها.. يا خويا

القبي؟

القبي. مشيرا إلى الرجل ذي البذلة البيضاء

شوف الهيك

واش بيك أعميت

العقبي.آه يا خويا العقبي..راك عديت الحدود, غير هدي ما

نقبل هاش

انا ما أعميت ما والو

و لكن يظهر لي

باللي حبيت أتشوفني واش راك أتشوف بالسيف..

القبي. شوف يرحم باباك..

هذاك ماشي عمي حسان؟

العقبي. اشكون عمك حسان هدا اللي راك تحلم بيه؟

القبي. حسان طيرو

اللقطة الثالثة.يمس العقبي بيده على راس القبي, و كأن به حمى

ويقول له..

جاب لي ربي بقلاتك الشمس اللي اليوم راهي حارة..

يصمت قليلا ثم يستمر في الحوار..

اندبر اعليك

غير شمخ رأسك أنت ما راكش امليح..

القبي. كيفاش يا عجابة ..

انكذب عينيا .. و انصدقك أنت..

و الله غير أهذي المليحة

و قالت لهم ارقدوا..

العقبي. بقلق و نرفزة

اسمع ..اسكت أعليا

الواحد الهم اللي فيه يكفيه

ما أتكسر ليش رأسي يرحم والديك

و هو يضرب على صدره

حسان طيرو..و اذا ما على بالكش الله يرحمه

و أوسع أعليه..

راه الهيك.. يعني مات و اللي مات ما اعاودش اينوض

افهمت و الا لالة؟

أتهنا منك و مني

كان مسكين اوجع قبله باش أيضحكنا

حتى راح و خلانا ضحك.

القبي.هنت دايمن هكذا

كي انقول انا بيضة أتقول أنت كحلة..

العقبي.قلت لك ماشي.. حسان يعني ماشي حسان

اللقطة الرابعة.في هذه اللحظة, تتوقف حافلة في المحطة و

تحجب الرجل الابيض..

اللقطة الخامسة. تنطلق الحافلة و يختفي معها الرجل الابيض.

القبي. شفت كيفاش..انا قلت لك عمي حسان ..

و انت ضيعت اعلينا فرصة اكبيرة و هايلة..

باش انقصروا امعاه..

العقبي. مقاطعا..

أنا قلت لك ماشي حسان

القبي.و انا انقول لك حسان و يا لوكان اطيرو..

اللقطة السادسة.و هما على هذه الحالة من الجدال و المجادلة

تتوقف امامهما سيارة اجرة قيقرران الصعود فيها, يفتح

احدهما الباب و يركبان..

اللقطة السابعة. المكان\ داخل السيارة, يدور اليهما السائق

بقبعته وبذلته البيضاء بقول لهما متهكما..

السائق.على احساب الكوستيمات و الروايح

وقيلة..داخلين على زردة اكبيرة

القبي..ما إن يرى السائق حتى يضطرب و بقول..

لا الاه الا الله محمد رسول الله

حبس نحبط..حبس نحبط

انا ما نركبش مع الموتة

العقبي. اخموس اعليك و اخميسة

رانا الحقنا ليها

الارنب تجري و زادوا لها النواقس

السائق. واش بيه صاحبك

وقبلة ضريه احمار الليل..؟

العقبي.لالا..الحمار اللي ضربه تع النهار ..ماشي تع الليل.

صمت

شوف يا عمي حسان

انت شوف قدامك الطريق

و انا اندبرراسي مع هذا المتعوس.

اللقطة الثامنة.لقطة امامية عامة من داخل السيارة و هي تشق                                                         !           أحد شوارع المدينة و اين يدور الحوار التالي..

القبي. من اقبيل و انا انقول لك

ها هو عمي حسان ..هاهو عمي حسان

و انت عند بالك راني امهلوس

و ارجعت انشوف الخيالات..

القبي. يمسح عيناه و يفركها جيده ثم يقول..

استغفر الله

واش انتما ما كاش اللي يغلط امعاكم؟

صمت

انا عند بالي اللي ايموت و يدفنوه تحت التراب

ما ازيدشي يظهر اخلاص..

القبي.متهكما

هذا مع الميتين

و لكن عمي حسان ما ايموتش..مازاله في وسطنا

و ما زال انزيدوا انشوفوه

و حتى يخرجوا عينيك

و في كل بعقعة انحط فيها روحك

تلقاه قدام عينيك

العقبي.واش..حبيت اتهبلني

حبيت اتخلك لي شعبان مع رمضان..

السائق.و هو يتحدث إلى القبي..و ينظر إلى المرآة العاكسة..

برحم والديك اخلاصو اعليك الصحاب حتى اتعاشر هذا

المتعوس

ارميه اعليك و ريح..

و كي ما ايقول المثل\قالوا لها واش خصك يا امعوجت

الحناك..قالت لهم السواك..

و زيد على هذا كركرته و جاي بيه في ازنيقات العاصمة

روح با حسان روح

سيارتك رجعت كاليش

امعمرة اتبن و احشيش..

العقبي. سي محمد

انا ما راني احشيش

و صاحبي ما هو تبن

و لو كان ندلري باللي انت ماشي حسان نع الصح

نقلب اعليك هذا البرويطة اللي من الصبح

و انت اتزوخ اعلينا بها..

السائق. باحتقار

برويطة.. باعتها لي يماك.. يا وحد الطنه..

اللقطة التاسعة.يتوقف سائق سيارة الأجرة فجأة وسط الشارع

أين يتسبب في  تعطيل المرور و يحدث اضطرابا مروريا كبيرا ..

اللقطة العاشرة. داخل السيارة.. العقبي, و بلفتة من صديقه

يجعله يرد على السائق قائلا ..

العقبي. أسمع غير يما ما نسمحش لك تذكرها في الطاكسي

و أمام الناس أسمعت و إلا ..لا..

السائق. و هو يدور إليه..مستهزئا يقول..

شوف ذاك ألهو زي اللي جاته الغيرة على يماه و آداه